Kura-kura yang sabar

Kisah kura-kura yang sabar..

Once upon na taim... ada ne 3 ikur kura- kura, si(A) si(B),si(C).. diurang sedang bersiap-siap mau jalan pi picnic, banyaklah barang2 dorang bawa.. siok2 sudah diurang jalan..sampai ja di pertengahan jalan,tiba-tiba mendung pula tu langit... maka terjadilah dialoq antara meraka tiga ekor..

si(A): Naaa..mau hujan gia ne, masam mna ni??

si(B): anuu...saturang balik pi ambi payunglah. basah nanti kita..

si(C): yalaa..tapi sy tida bulih, banyk moti barang2 sy ni..

si(B): yaa..sypun.. kw la yang pigi (A)... tiada gia kw bawa apa2 tu..?

si(A): aishh...sy inda mau!

si(C): aii..kanapa juga kunun...kw pigi ja bah.

si(A): ahhh..inda mau. nanti taim sy jalan truz kamu makan tu makanan.. naa..

si(B): ishh..indabah tu.

si(C): kami tunggu juga bah..sama2 kita makan. jangan kw risau gink..

si(A): kalau 1minggu sy inda pulang??

si(C): Kami tunggu juga..

si(A): Kalau 2minggu??

si(C): kami tunggu juga bah...

si(A): Kalau 3minggu sy tida balik3 juga..??

si(C): kami tatap tunggu...!

si(A): baahhh...jangan kamu tipu ah? jaga kamu.. Maka jalanlah si kura-kura(A) ni balik pi ambil payung..

(1MINGGU KEMUDIAN) si(B): mana suda dia ni.. lmbat juga..

si(C): biarlah kita tunggu lagi 1minggu..

si(B): yalaa~

(2MINGGU KEMUDIAN)... si(B): uinaaa...mana suda dia ni..

si(C): entahh...

si(B): marilah kita makan...sy lapar butul ni..

si(C): jangan duluu.. kita tunggu lagi 1minggu.. manatw dia on da way suda..

si(B): yala..yala..aduii...

(3MINGGU KEMUDIAAANNNN...) si(B): aiyaaa...sy lapar..!!!

si(C): sypun lapar ni...adoii..

si(B): buduh oh.. mana bah dia ni?

si(C): entahh...kana talan ular mengkali.. buduh lambat...

si(B): uishh..marilah kita makan bah..

si(C): bahh..marilah makan kita..biarlah dia tu..

Tiba-tiba...bergoyang tu daun-daun pokok di hutan. zaasssshhh!! keluar ni kura-kura(A) dari samak-samak!

si(A): NAAAAKANN... APA SIA BILANG. KAMU TIDA TUNGGU SIAKAN.. NASIB LAGI SIA BULUM JALAN...HAHAHA!!!! si(A)&(B): BUDUHHH.....